Khua dêh čar lăi, bruă lu sang bruă mơdrô mơ̆ng dêh čar Khač pơtrut bruă ngă hrŏm, rai tuh pơ alin ƀơi Việt Nam amra ngă rơđah hloh tơlơi phiăn, pơkôl pơkă pok pơhai tui hăng tơlơi pơsit laih mơ̆ng khua mua dua bơnah dêh čar, ngă tong ten tui tơlơi giăng mah rô nao rai yom hăng hlom bom mơ̆ng dua bơnah lŏn ia, ngă dơlăm tui bruă pŭ ƀăn hiam klă Việt Nam-Khač, akŏ pơdong khul ngă hrŏm pơdjru nao rai kah pơpha pơđĭ kyar kơñ pơgi ni anăp plah wah Việt Nam hăng Khač, sa bruă mă hơmâo boh yom kơjăp, djru hrŏm pơđĭ kyar bơwih ƀong huă kơ dua bơnah.

Kơnuk kơna Việt Nam lăng yom hăng pơtrut pơsur lu sang bruă sĭ mơdrô mơ̆ng dêh čar Khač pok prong bruă ngă hrŏm tuh pơ alin mơ̆ gah dêh čar Khač hơmâo anŏ gêh găl, Việt Nam hơmâo anŏ či kiăng kah hăng : Čuk pơkra jơlan nao rai, pơblih hơdră pơčeh phrâo ia rơgơi, hơdôm bruă mă phrâo gah ia rơgơi yua ană mơnuih pơjing, pơđĭ kyar mơtah rơgoh, apui yua hơdjă, man pơdong plơi prong thâo rơgơi, tuh tia pơkra ming gơnam kơjăp hiam klă.