VOV4.Jarai-Tlam lơ 6/9, Khua dêh čar ơi Phạm Minh Chính tŭ jum ơi Khuong Sreng, Khua plơi prong jưh jom, Khua ping gah mơnuih ƀôn sang Kur plơi prong jưh jom Phnom Penh dêh čar Kur hlăk rai čuă jơmư hăng mă bruă ƀơi plơi prong jưh jom Hà Nội hăng ƀôn prong Hồ Chí Minh. Ƀơi mông tŭ jum, Khua dêh čar, ơi Phạm Minh Chính lăng yôm thun blan rơgao, bruă ngă hrom dua bơnah dêh čar pơđĭ kyar hơđong; khua mua pơprong dua bơnah ăt rô nao rai bưp, pơčrông sai na nao, biă mă ñu tal bưp nao rai kơplah wah Khua git gai Ping gah ơi Nguyễn Phú Trọng hăng Khua Ping gah mơnuih ƀôn sang dêh čar Kur, Khua dêh čar Kur ơi Hun Sen hăng Khua git gai ping gah, Khua mir sir dêh čar Lao, ơi Thongloun Sisolith; djop tơlơi phiăn ngă hrom dua bơnah ăt pơđĭ tui tŭ yua.

Khua dêh čar ta rơkâo dua bơnah ăt ngă hrom pơtrut tơlơi giăng mah dua bơnah dêh čar amăng lu bruă; pơgang hăng akŏ pơjing jơlan guai dêh čar rơnuk rơnua, giăng mah mơak, ngă hrom hăng pơđĭ kyar, pơtrut tơlơi bơwih ƀong huă ƀơi amăng jang jơlan guai dêh čar; ngă gêh găl kơ lu sang bruă sĭ mơdrô dua bơnah tuh pơ alin, ngă hrom sĭ mơdrô mơak; kơtưn amăng bruă pơtô hăng pơjuăt, jĕ giăm rô nao rai gru grua, tuai čuă ngui dơ̆ng đơ đa.

Nay Jek: Pơblang