VOV4.Jarai-Tlam lơ 5/9, ƀơi Sang bruă Kơnuk kơna, Khua dêh čar ơi Phạm Minh Chính hơmâo tŭ jum ơi Bill Winters, Khua wai lăng đơ đam rŏng lŏn tơnah Sang bruă prăk Standard Chartered dêh čar Angle hlăk rai čuă jơmư hăng mă bruă ƀơi Việt Nam. Khua dêh čar ơi Phạm Minh Chính lăi amăng tơlơi pơhing rŏng lŏn tơnah ră anai lu tơlơi tơnao tap, bơwih ƀong huă mơnuih mơnam ƀơi Việt Nam thun blan rơgao ăt đĭ đăi mơ̆n ƀiă.

Khua dêh čar ơi Phạm Minh CHính tŭ jum ơi Bill Winters, Khua git gai sang bruă prăk

 Standard Chartered -Rup TTXVN

Khua dêh čar pơdah pran jua pơpŭ biă mă, lăng yôm hơdôm sang bruă, anom bruă tuh pơ alin mơ̆ng dêh čar tač rơngiao, amăng anun hơmâo sang bruă prăk Standard Chartered, hơmâo gum hrom, dong yua Việt Nam amăng bruă pơhlôm pơgang klin hăng pơtrut rŭ glăi bơwih ƀong huă, pơđĭ kyar mơnuih mơnam. Khua dêh čar lăi, Việt Nam đing nao hlâo kiăng pơhưč prăk kăk tuh pơ alin tơpă, găl kơđi hăng mă yua anŏ gêh găl tơpă mơ̆n mă bruă pơđĭ kyar hơđong kjăp, pơtrut bruă pơgang anŏ hơdjă ayuh hyiăng, pơblih mă bruă mă yua mrô, pơblih gơnam yua pơhrua apui lơtrik rơgoh, anăp nao akŏ pơdong kjăp kơtưn mơtah mơda, ngă hiam ayuh hyiăng lŏn tơnah, hơđong prăk kăk jar kmar laih anun djop group ƀơi rŏng lŏn tơnah, amăng anun hơmâo Sang bruă prăk Standard Chartered gum hrom.

Nay Jek: Pơblang