Khua dêh čar ta pơsit yôm tơlơi gum djru mơ̆ng JBIC amăng pơtrut tuh pơplai Japan amăng Việt Nam, biă ñu prăk čan rơbêh kơ 800 klăk dolar Mi kơ rơwang bruă pơđĭ kyar hyuh Lô B (sa amăng hlung hyuh hmâo amăng lŏn drŏn prong ƀơi Việt Nam, pơ̆ kual Yŭ Dơnung dêh čar). Khua dêh čar rơkâo JBIC djru dong prăk čan kơ anom bơwih ƀong Japan pok pơhai 15 rơwang bruă pơplih mơtah ƀơi Việt Nam, rơnoh rơbêh kơ 20 klai dolar Mi tui rơwang AZEC.

Khua JBIC pơtŏng sit amra djru prăk, gum hrŏm Việt Nam amăng pơđĭ kyar anom mă yua, plơi prong nao hrŏm hăng jơlan nao rai hăng pơplih mơtah. Hăng tơlơi rô nao rai klă hiam sui thun, ba glăi bôh tơhnal kơtang mơ̆ng khua mua gưl dlông, JBIC čang rơmang gum hrŏm sui thun dong, ba glăi bôh tơhnal hăng Việt Nam amăng lu bruă mă./.