VOV4.Jarai - Tlam lơ 21/3, Khua dêh čar ơi Phạm Minh Chính tŭ jum yă Manuela V.Ferro, Kơ-iăng khua Sang bruă prăk rŏng lŏn tơnah (WB) gơgrong gah kual Đông Á hăng Thái Bình Dương. Khua dêh čar pơsit Kơnuk kơna Việt Nam lăng WB jing gơyut klă, pô ngă gŏp pơđĭ kyar yôm biă mă. Việt Nam amra lăi pơthâo bruă hăng WB laih anun Grup 6 boh sang bruă prăk Pơđĭ kyar či bơkơtuai hơdră ngă pơgiong tơlơi phiăn, ječ ameč pơsir hĭ hơdôm tơlơi aka ƀu rơđah, ngă gun, ngă amuñ brơi, djơ̆ hrŏm bruă ngă hră pơ-ar mơng hơdôm bơnah đah mơng pơphun ngă kơčăo bruă pơhlôm tŭ yua, djơ̆ hrơi pơkă. Khua dêh čar lăng yôm hăng rơkâo WB lăng ba dong, djru ba, ngă hrŏm tŭ yua hăng Việt Nam kơ prăk čan, boh thâo ia rơgơi, tơlơi phiăn, mơnuih mă bruă, wai lăng pơgang tơlơi pơplih ayuh hyiăng, ngă tui hơdôm tơlơi kĭ pơkôl ƀơi Jơnum COP26 lăng nao abih bang mơnuih ƀon sang, abih bang jar kmar, pơhlôm dưm kơnar, djơ̆ tơlơi phiăn hăng hơdôm boh dêh čar glăk đĭ kyar.

Siu H’Mai: Pơblang