Amăng hơmâo hơdôm anih anoim ia jrao ƀơi rĭm boh kual, pơlir hơdôm tơring čar hăng gơnong bruă amăng bruă khăm pơjrao; pơkă lăng gah ia jrao hăng pơkă lăng mơnuih hưt bưt; ia jrao wai pơgang, ia jrao mơnuih mơnam; pơčrang lăng, pơsit tong ia jrao, gơnam pik ƀô̆, mơnong ƀong huă, vaccine hăng gơnam yua gah ia jrao, gơnam pơkra jrao, vaccine; bruă mrô mơnuih-ƀă ană bă. Bruă dưm dăp pơhlôm truh thun 2025 dưm hơmâo 33 boh sưng brơi rơbêh 10.000 čô mơnuih, 15 čô ơi ia jrao amăng 10.000 čô mơnuih, 3,4 čô nai ia jrao amăng 10.000 čô mơnuih hăng 25 čô ƀing mơnuih djru ba amăng rơbêh 10.000 čô mơnuih.

Anăp nao truh thun 2050, dưi ako pơdong sa, dua anih anom ia jrao phrâo bơkơnar jar kmar. Pơjing gơnong bruă pơkra jrao amăng lŏn ia jing anih pơkra jrao yôm hloh. Gir run hơmâo 45 boh sưng amăng rơbêh 10.000 čô mơnuih, 35 čô ơi ia jrao amăng rơbêh 10.000 čô, 4,5 čô nai ia jrao amăng rơbêh 10.000 čô, 90 čô mơnuih djru ba amăng rơbêh 10.000 čô; mrô sưng đih ƀơi sang ia jrao pơdong mă 25% amăng abih bang sưng đih.