VOV4.Jarai-Tlam lơ 10/1, Khua dêh čar Kơnuk kơna Việt Nam, ơi Phạm Minh Chính hăng Khua dêh čar Lao ơi Phankham Viphavanh bưp ƀing ngă bruă sĭ mơdrô. Ƀơi mông bưp hăng khua mua dua bơnah, ƀing pơ ala kơ anom bruă sĭ mơdrô pơprong mơ̆ng Việt Nam nao bơwih ƀong ƀơi dêh čar Lao lăi, gơñu kiăng ngă hrom tuh pơ alin sĭ  mơdrô sui thun hơđong, rơkâo lu tơlơi hăng kơnuk kơna laih anun djop ding jum anom bruă dua bơnah dêh čar.

Khua dêh čar Việt Nam hăng Khua dêh čar Lao bưp ƀing sĭ mơdrô dua bơnah

Hơdôm bruă mă sĭ mơdrô khut khăt kiăng ngă pơgiong kơčăo bruă pơprong, yôm hlăk pok pơhai kiăng ngă hrom bơwih ƀong huă dua bơnah. Pơhiăp ƀơi mông bưp, Khua dêh čar Việt Nam, ơi Phạm Minh Chính pơtrun hiăp djop ding jum, anom bruă, djop tơring čar hăng ƀing ngă bruă sĭ mơdrô dua bơnah kơtưn pơtruh nao rai bruă ngă hrom, djru tơdruă wai lăng kjăp atur bơwih ƀong huă Việt Nam-Lao phun ñu kơnang kơ tơlơi phiăn, prăk kăk, jơlan glông nao rai, pơdŭ pơgiăng, apui lơtrik, dăng kông, tuai čuă ngui, ngă hrom pơtruh nao rai bơwih ƀong huă Việt Nam-Lao-Kur hăng hơdôm dêh čar amăng kual.

Nay Jek: Pơblang