Đĭ pơhiăp amăng mông mă bruă, Khua ding jum ơi Bùi Thanh Sơn pơsit tong, mah bơbeč nao kơtang mơng klin kheng samơ̆ tơdơi kơ tơlơi pơkôl sĭ mơdrô rơngai Việt Nam-EU (EVFTA) sit nik dưi ngă tui, rơnoh pơđĭ kyar sĭ mơdrô kơplah wah Việt Nam hăng Czech jai hrơi lu tui, rĭm thun rơbêh 15%, tơlơi rô nao rai kơplah wah dua boh dêh čar hơmâo pok prong amăng djop mơta bruă.

Kơnuk kơna Việt Nam lêng kơ lăng mơnuih ƀon sang Việt Nam pơ tač rơngiao lĕ ƀing mơnuih ƀu dưi pơčlah mơng djuai ania ta, hluai tui anun hơmâo hơdôm tơlơi pơplih lăp djơ̆ amăng hơdôm črăn tơlơi phiăn hăng mơnuih ƀon sang Việt Nam pơ tač rơngiao; Ping gah hăng Kơnuk kơna hơmâo ngă, glăk ngă hăng tŏ tui đing nao, gum djru, gir run mă bruă hăng hơdôm boh dêh čar kiăng hơmâo tơlơi đing nao mơnuih ƀon sang dŏ hơdip pơ hơdôm boh dêh čar tač rơngiao.