VOV4.Jarai - Ƀrô hrơi Tê̆t djuai ania ta Nhâm Dần, lơ 16/1, Khua ding jum, Khua Jơnum min djuai ania ơi Hầu A Lềnh hơmâo nao čuă, brơi gơnam kơ hơdôm boh sang anŏ rin, sang anŏ ƀong prăk kơnuk kơna djru, mơnuih arăng đăo gơnang amăng plơi pla djuai ania ƀia ƀơi tơring čar Bắc Kạn. Nao čuă tơring glông Ngân Sơn, tơring čar Bắc Kạn, Khua ding jum, Khua Jơnum min Djuai ania hơmâo brơi gơnam nua ñu 50 klăk kơ Keh prăk djru bruă hrăm hră mơng tơring glông.

Ƀơi anai, ơi Hầu A Lềnh ăt brơi 150 anung gơnam kơ hơdôm boh sang anŏ djru hơkrŭ lŏn ia ta, sang anŏ tơnap tap hăng ƀing arăng đăo gơnang amăng plơi pla djuai ƀiă ƀơi tơring Bắc Kạn. Ngă bruă hăng khua mua tơring čar Bắc Kạn, Khua ding jum, Khua Jơnum min djuai ania kiăng tơring čar ngă tui klă hloh djŏp jơlan hơdră ngă bruă kah hăng man pơdong plơi pla phrâo, pơhrŏ trun hơđong mrô sang anŏ rin...gơñăm nao pơđĭ kyar tơlơi bơwih ƀong wơ̆t hăng pơđĭ tui tơlơi hơdip mơnuih ƀon sang.

Siu H’Mai: Pơblang