VOV4.Jarai-Tlam lơ 7/7, ƀơi Hà Nội, Khua tơhan krên dên, ơi Tô Lâm, Khua Ding jum kông an tŭ jum Trung tướng ơi Vanthong Kongmany, Kơ-iăng Khua ding jum kông an dêh čar Lao hlăk rai čuă jơmư hăng mă bruă ƀơi Việt Nam. Ƀơi mông tŭ jum, ơi Tô Lâm brơi thâo, mah dua boh dêh čar dŏ lu tơlơi tơnap tap yua klin kheng Covid 19 ngă, samơ̆ tơlơi ngă giăng mah yôm phara, bruă ngă hrom hlom bom kơplah wah Việt Nam hăng Lao lăi hrom, dua bơnah anom bruă tơhan kông an hnun mơ̆n ƀu pơdơi ôh pơđĭ kyar, hơmâo boh tŭ yua klă.

Dua bơnah ăt pok pơhai dơ̆ng mơ̆n, tơlơi phiăn ngă hrom gah bruă mă kiăng pơgang tơlơi rơnuk rơnua hơđong dêh čar, mơnuih mơnam; ngă hrom pok pơhai akŏ bruă pơgang tơlơi rơnuk rơnua kơ djop bruă mă jơnum prong, tal čuă jơmư, mă bruă nao rai khua mua dua bơnah dêh čar.

Nay Jek: Pơblang