VOV4.Jarai - Lơ 17/2, ƀơi Hà Nội, Ding jum kông ang pơphun Jơnum jao bruă kơ Grup mă bruă mơng Kơnuk kơna ngă tui akŏ bruă “Pơđĭ kyar mă yua plang čih pioh hră pơ-ar mơnuih mơnam, pơsit tơpă anăn păn hăng mă yua sit nik măi mok kiăng kơ pơplih boh thâo mrô amăng dêh čar rơwang thun 2022-2025, ană nao thun 2030” (arăng iâu klah čun lĕ akŏ bruă mrô 06/CP). Đại tướng ơi Tô Lâm, Khua ding jum kông ang git gai mông jơnum, đĭ pơhiăp amăng mông Jơnum ñu rơkâo ƀing mơnuih apăn bruă amăng Grup ngă kiăo tui akŏ bruă mơng anun pơtrut pơsur, git gai khut khăt, abih pran jua kiăng pơgiong hơdôm boh tơhnal bruă mă djơ̆ hăng hrơi mông pơkă. Khua ding jum ơi Tô Lâm rơkâo ƀing ding kơna amăng Grup gah Anom bruă Kơnuk kơna tŏ tui pơsur djop ding jum, gơnong bruă, ƀon lan pơjing hơdră pok pơhai ngă tui Akŏ bruă hăng akŏ pơjing grup mă bruă ngă tui akŏ bruă tui tơlơi git gai mơng Kơ-iăng Khua dêh čar ơi Vũ Đức Đam.

Siu Đoan: Pơblang