VOV4.Jarai - Tlam tom brơi (16/6), Khua ding jum Kông ang ơi Tô Lâm tŭ jum ơi Nadav Eshcar, Khua anih jưh pơ ala dêh čar Israel ƀơi Việt Nam, ñu bưp mă tơngan ƀrô hrơi pơđut hĭ thun blan mă bruă ƀơi Việt Nam. Amăng mông bưp, Khua ding jum ơi Tô Lâm, pơpŭ kơ Khua sang anih jưh thun blan mă bruă ƀơi Việt Nam hơmâo lu tơlơi truh kih, pơgôp yôm phăn amăng pơtrut, pơđĭ kyar tơlơi rô nao rai ngă hrŏm kơplah wah dua boh dêh čar lăi hrŏm hăng kơplah wah Ding jum Kông ang Việt Nam hăng hơdôm anom bruă bơdjơ̆ nao dêh čar Israel hnun mơn. Khua sang anih jưh Nadav Eshcar pơpŭ bơni Ding jum kông ang Việt Nam hăng Khua ding jum ơi Tô Lâm hơmâo pơpŭ tơlơi hiam klă hloh brơi dêh čar Israel hăng ñu pô amăng thun blan mă bruă ƀơi Việt Nam, čang rơmang tơlơi rô nao rai ngă hrŏm Israel - Việt Nam jai hrơi hiam klă, ba glăi boh than prong prin amăng djop mơta bruă.

Siu Đoan: Pơblang