Tŏ tui Jơnum lok 7, mơguah lơ 4/6, Khua mua pơ ala mơnuih ƀôn sang dêh čar pơphun tơña hăng lăi glăi tơlơi tơña mơ̆ng ƀing khua pơ ala. Pơphun amăng 2 hrơi ha mơkrah, hrơi tơña pơƀut kơ 4 mơta bruă: Kông ngăn lŏn tơnah hăng Ayuh hyiăng, pơkra gơnam sĭ mơdrô, jŭ yap prăk kăk, gru grua bơkơjăp drơi jăn hăng tuai čuă ngui. Tui hăng mông jơnum mơguah hrơi anai, Khua ding jum kông ngăn lŏn tơnah hăng ayuh hyiăng Đặng Quốc Khánh amra jing mơnuih blung a lăi glăi tơlơi tơña.

Blung a hơmâo ruah kiăng lăi glăi tơlơi tơña ƀơi anăp khua mua pơ ala mơnuih ƀôn sang dêh čar, Khua ding jum Kông ngăn lŏn tơnah hăng Ayuh hyiăng ơi Đặng Quốc Khánh amra ngă rơđah bruă wai lăng, mă yua, pơgang kông ngăn ia rơsĭ dêh čar. Hrŏm hăng anun lĕ ngă tui tơlơi pơtrun, tơlơi phiăn wai lăng rơnuk rơnua ia yua; hơdră pơgang pơhlôm không phang kơsing pah, ia rơsĭ hram, kơƀah, hrŏ trun, hơƀak jrak ia. Hơdră kơsem min, krăo lăng, mă yua kông ngăn amăng lŏn ngă gơnam pioh man pơkra hăng kông ngăn yơyôm pơkŏn dơ̆ng.