VOV4.Jarai - Tŭ ư hăng tơlơi jak iâu mơng Khua ding jum ling tơhan Việt Nam, Đại tướng Phan Văn Giang, Khua ding jum ling tơhan dêh čar India Rajnath Singh amra rai čuă sit nik dêh čar Việt Nam amăng 3 hrơi dong mơng hrơi pơgi (8/6). Amăng tal rai čuă, Khua ding jum ling tơhan India Rajnath Singh him lăng amra nao hơ-ŭ hơdor ƀơi pơsat jĕp Khua mir sir Hồ Chí Minh, jơnum bơkơtuai hăng Khua ding jum ơi Phan Văn Giang, nao kuh mă tơngan hăng Khua mir sir ơi Nguyễn Xuân Phúc hăng Khua dêh čar ơi Phạm Minh Chính. Dua čô khua ding jum amra lăng glăi tơlơi ngă hrŏm amăng bruă ling tơhan mơng dua bơnah amăng thun blan laih rơgao hăng pơčrông sai tui tơlơi pơčeh phrâo kiăng kơtưn tô nao rai amăng bruă ling tơhan. Amăng tal rai čuă anai, Khua ding jum ling tơhan India Rajnath Singh amra nao lăng mông jao 12 ƀattô hyu tir đuăi hmar, anai lĕ rơnoh prăk čan amăng bruă ling tơhan nua ñu 100 klăk đôlar mơng Kơnuk kơna India brơi kơ Việt Nam.

Siu Đoan: Pơblang