Kiăng kơtưn ƀiă dong tơlơi rô nao rai ngă hrŏm kơplah wah dua bơnah pơ anăp anai, amăng mông jơnum, dua bơnah hơmâo tŭ ư amra pok pơhai hơdôm bruă ngă hrŏm akŏ phun mơ̆ Hàn Quốc hơmâo tơlơi dưi hăng lăp djơ̆ tơlơi rơkâo mơng Ding jum kông ang.

Pơphun hơdôm tal pơtop hrăm kiăng hrưn đĭ klă dong bruă mă mơng tơhan pôlih kual ia rơsĭ, Ding jum kông ang Việt Nam kiăng gơgrong ngă pô amăng ƀattô hyu tir yua tơhan pôlih ia rơsĭ Hàn Quốc djru brơi. Pơphun pơlăi nao rai kiăng thâo tơlơi sit nik bruă mă mơng tơhan pôlih ia rơsĭ Hàn Quốc hăng tơhan pôlih wai lăng jơlan Việt Nam, mơng anun ba tơbiă hơdôm akŏ bruă ngă hrŏm tong ten kiăng ba tơlơi ngă hrŏm dua bơnah jai hrơi dơlăm, djơ̆ hăng tơlơi gal ngă hrŏm dua anom bruă.