VOV4.Jarai - Lơ 18/4, ƀơi Hà Nội, Khul git gai jơnum lăng glăi 10 thun ngă tui tơlơi pơtrun mrô 8 tal XI kơ hơdră wai pơgang lŏn ia amăng rơnuk phrâo mơng Ding jum kông nang pơphun jơnum tal blung a. Đại tướng ơi Tô Lâm, Ding kơna Ding jum kơđi čar, Khua ding jum kông ang, Khua khul git gai mông jơnum.

Đĭ pơhiăp amăng mông jơnum, Khua ding jum ơi Tô Lâm pơsit tong, bruă jơnum lăng glăi 10 thun ngă tui tơlơi pơtrun mrô 8 tal XI yôm phăn biă mă, sit biă ñu amăng thun blan lu bruă amăng jar kmar, amăng kual hăng amăng dêh čar ta hơmâo lu tơlơi lông pơhmu hăng 10 thun hlâo adih, tơlơi anai ngă ƀing ta khŏm pơplih, gơgrong ngă tui bruă jao phrâo amăng wai pơgang lŏn ia. Khua ding jum ơi Tô Lâm rơkâo djop anom bruă bơdjơ̆ nao kiăng kơ tañ git gai, sem lăng bruă mă tui tơlơi glăm ba, biă mă ñu hơdôm tơlơi tơnap, tơlơi lông amăng wai pơgang rơnuk rơnua lŏn ia ră anai, mơ-it nao Khul git gai kiăng kơ pơƀut glăi, ba nao pơčrông sai, pơgôp hiăp amăng Ding jum kông ang ƀơi Jơnum đơ đam dêh čar kơ bruă hruă kjăp, pok pơhai klah čun tơlơi pơtrun.

Siu Đoan: Pơblang