Khua ding jum ơi Tô Lâm lăi rơđah, amăng giăm 70 thun laih rơgao, tơlơi rô nao rai giang mah ngă hrŏm kơplah wah Việt Nam-Indonesia ƀu pơdơi pơđĭ kyar kơtang, sit biă ñu dong mơng hrơi dua bơnah hơkrŭ tơlơi rô nao rai ngă hrŏm yôm phăn thun 2013. Ding jum kông ang Việt Nam hăng tơhan pôlih dêh čar Indonesia gir run pơlăi nao rai tơlơi pơhing amăng pơgang, pơgăn ƀing ngă soh, gum hrŏm pơhlôm rơnuk rơnua, hơđong tơlơi hơdip hăng bruă mă brơi mơnuih ƀôn sang dua bơnah; tŏ tui ngă hrŏm amăng hơdră djop bơnah amăng kual ASEAN kơ bruă pơgang, pơgăn ƀing ngă soh găn nao rai djop dêh čar, Jơnum khua ding jum kual ASEAN kơ bruă ma túy, Jơnum khua git gai tơhan pôlih hơdôm boh dêh čar kual ASEAN…

Kiăng pơtrut hăng kơtưn tơlơi rô nao rai ngă hrŏm kjăp ƀiă dong kơplah wah Ding jum kông ang Việt Nam hăng tơhan pôlih dêh čar Indonesia, Khua ding jum ơi Tô Lâm rơkâo dua bơnah tŏ tui pơbưp nao rai khua mua djop gưl, tŏ tui hơdră pơlăi nao rai bruă pơhlôm rơnuk rơnua gưl Kơ-iăng khua ding jum kơplah wah Ding jum kông ang Việt Nam hăng tơhan pôlih dêh čar Indonesia.