VOV4.Jarai - Khua ding jum pơtom hiăp ơi Bùi Thanh Sơn hơmâo pơhiăp laih telephôn hăng Khua ding jum pơtom hiăp phrâo dêh čar Hàn Quốc Park Jin. Ƀơi mông pơhiăp nao rai, dua čô khua ding jum tŭ ư ngă hrŏm pơphun ngă tŭ yua hơdôm bruă pơbưp, pơhiăp nao rai khul grup, bưp khua mua prong hăng djŏp gưl kiăo tui lu jơlan hơdră phara, lăp djơ̆, gơñăm nao ngă hrŏm gah bruă tơhan, rơnuk rơnua lŏn ia hăng hơdră ngă hrŏm dua bơnah, lu bơnah; pơtrut pơsur hơdôm anom bơwih ƀong Hàn Quốc tuh pơ plai amăng bruă pơkra măi mok phun nao hrŏm hăng jao glăi boh thâo pơkra măi mok kơ Việt Nam.

Kơ bruă ƀơi jar kmar hăng amăng kual, dua bơnah lăi ăt ngă hrŏm kơjăp, dong yua nao rai pơsir hĭ hơdôm tơlơi hơmâo ƀơi jar kmar hăng amăng kual mơ̆ dua bơnah lăp đing nao kah hăng Sang gum hơbit djŏp dêh čar, ASEAN - Hàn Quốc, Mê Kông - Hàn Quốc; djă bong tơlơi rơnuk rơnua, hơđong kơjăp, ngă hrŏm hăng pơđĭ kyar ƀơi kual ia rơsĭ Ngŏ.

Siu H’Mai: Pơblang