VOV4.Jarai - Khua ding jum pơtom hiăp dêh čar ta ơi Bùi Thanh Sơn pơphun tal nao čuă dêh čar Hàn Quốc ƀrô djơ̆ tal nao pơhmư̆ Jơnum Khua ding jum jơlan hơdră Đông Nam Á mơng Khua čih pioh Khul gum hrom hăng pơđĭ kyar bơwih ƀong tui tơlơi jak iâu mơng Khua čih pioh Khul gum hrom hăng pơđĭ kyar bơwih ƀong, mơng lơ 9 truh lơ 11/2/2022. Hăng sa cô Khua ding jum pơtom hiăp dêh čar Việt Nam, anai ăt lĕ tal nao čuă dêh čar Hàn Quốc blung a mơng Khua ding jum pơtom hiăp ơi Bùi Thanh Sơn tơdơi kơ dưi ruă ngă Khua. Tơlơi rô nao rai gum hrom kơplah wah Việt Nam hăng Hàn Quốc dưi djă pioh ba glăi bôh tơhnal amăng lu bruă; bơkơtuai gưl dlông, hơdôm gưl ding jum, gơnong bruă, plơi pla dưi pok pơhai tañ, lu mơta kah hăng nao čuă, bơkơtuai ƀơi anăp, bơkơtuai amăng telephone, pơbưp gah rơngiao mông jơnum lu bơnah. Việt Nam ăt lĕ bơnah gum hrom phun amăng Hơdră bruă gah Dơnung pơhrâo kơtưn đĭ mơng Hàn Quốc. Dua bôh dêh čar djă pioh dong tơlơi dŏng yua tơdruă, gum hrom kơjăp amăng hơdôm mông bơkơtuai ƀơi kual hăng jar kơmar./.

Siu H’ Prăk: Pơblang