Ƀơi mông tŭ jum, Khua ding jum ơi Bùi Thanh Sơn lăi pơtong, Việt Nam čang rơmang na nao kơtưn ngă hrŏm giăng mah hăng hơdai gum nao rai lu bruă mă hăng dêh čar Ireland; đăo kơnang kơ tal čuă jơmư anai, kiăng jŭ yap glăi hơdôm mơta anăp ngă bruă, hơdră man pơphô pơprong, pơtrut dua bơnah pơđĭ kyar hlom bom hăng dơlăm hloh, djơ̆ găl hăng tơlơi kiăng laih anun boh tŭ yua mơ̆ng mơnuih ƀôn sang dua bơnah.

Khua mir sir, ơi Micheal D.Higgins lăi, dêh čar Ireland amra ngă gêh găl brơi mơnuih ƀôn sang Việt Nam mut hrŏm mơak mă bruă hăng hrăm hră hơdip mơda, jing ƀing pơtruh nao rai amăng bruă ngă giăng mah kơ dua bơnah dêh čar. Dua cô khua tŭ ư hrŏm kơ bruă dua bơnah pơtrut hloh tơlơi ngă giăng mah hăng dong yua tơdruă ƀơi mông jơnum lu bơnah, pơsir tơlơi rung răng ƀu mơak klă, anŏ bơrơsua nao rai hăng hơdră pơsir rơnuk rơnua djơ̆ găl tui Phiah phiăn Sang gum hơbit djop dêh čar laih anun tơlơi phiăn jar kmar.