VOV4.Jarai-Ƀrô nao čuă jơmư sit nik dêh čar Indonesia hăng git gai hrom jơnum lok 4 Jơnum min ngă hrom dua bơnah Việt Nam-Indonesia JCBC-4, mơguah lơ 20/7, ơi Bùi Thanh Sơn, Khua ding jum pơtom hiăp dêh čar ta hơmâo bưp Khua mir sir dêh čar Indonesia, ơi Joko Widodo ƀơi sang bruă Khua mir sir Indonesia.

Ơi Bùi Thanh Sơn lăi, tơlơi kiăng mơ̆ng Việt Nam sa hnong lăng bruă mă hăng kiăng pơđĭ kyar hloh rô nao rai yôm hăng Indonesia; pơdah pran jua đăo kơnang Indonesia, ngă khua jơnum G20 tŭ yua amăng thun anai, ngă tui truh kih bruă lăng nao pơ anăp adih truh thun 2045, jing lŏn ia pơđĭ kyar hloh ƀrô djơ̆ tal 100 thun hơdor glăi hrơi akŏ pơdong lŏn ia Indonesia amăng thun 2045. Khua ding jum ơi Bùi Thanh Sơn pơdah pran jua čang rơmang Khua mir sir Indonesia dong yua bruă dua bơnah pơblih nao rai khua mua bưp, jĕ giăm pơtom hiăp djop gưl; lui hĭ anŏ ngă gun hăng pơtrut hnong sĭ mơdrô kiăng bơkơnar hloh.

Nay Jek: Pơblang