VOV4.Jarai-Tlam lơ 22/7, Khua ding jum pơtom hiăp ơi Bùi Thanh Sơn hơmâo pơhiăp telephôn bơkơtuai hăng khua ding jum pơtom hiăp dêh čar pơtao Oman, ơi Sayyid Badr bin Hamad bin Hamood Al Busaidi. Ƀơi mông bơkơtuai nao rai, dua čô khua ding jum tŭ ư pơtong glăi anŏ gêh găl ngă hrom dua bơnah Việt Nam hăng Oman yua dŏ lu tơlơi gêh găl prong, biă mă ñu amăng bruă bơwih ƀong huă, sĭ mơdrô, tuh pơ alin, mă bruă apah, ngă hmua, mă akan hơdang, tơdrun kom păm…laih dơ̆ng pơčrông nao rai lu hơdră kiăng ngă kjăp tui hăng pơđĭ tui boh tŭ yua ngă hrom dua bơnah dêh čar pơ anăp anai.

Kiăng kơ ngă hrom bơwih ƀong huă, dua bơnah lăi nao anŏ kiăng ngă hrom pơphun bruă sĭ mơdrô, tuh pơ alin, mơtam, kơtưn kơ bruă djru nao rai tơlơi pơhing, pơtruh nao rai anom bruă sĭ mơdrô dua bơnah; pơtrut tañ bruă bơkơtuai kĭ pơkôl hơdôm tơlơi bơ tŭ ư ngă hrom kiăng čih giong hră tơlơi phiăn pơkôl kơ dua bơnah.

Nay Jek: Pơblang