VOV4.Jarai-Tlam mơmŏt lơ 7/3, ƀơi sang bruă Ding jum pơtom hiăp, Khua ding jum pơtom hiăp dêh čar ta ơi Bùi Thanh Sơn, hơmâo pơhiăp telephôn bơkơtuai hăng Khua ding jum pơtom hiăp dêh čar Rumani, ơi Bogdan Aurescu. Ƀơi mông bơkơtuai nao rai, ơi Bùi Thanh Sơn lăi, Việt Nam lăng hăng kiăng biă mă ngă dơlăm hloh tơlơi rô nao rai giăng mah hơmâo mơ̆ng sui laih rơbêh 70 thun hăng anai kơplah wah Việt Nam hăng Rumani.

Dua čô khua ding jum pơtom hiăp hơmâo pơtruh nao rai hơdră ngă bruă kiăng kơtưn pok prong laih anun ngă kjăp hloh tơlơi pŭ ƀăn giăng mah mơ̆ng dua bơnah dêh čar, amăng anun bruă ngă hrom pơtrut tơlơi rô nao rai brơi khul khua mua čuă jơmư trư găn nao rai, pơphun brơi khul djru bruă kơđi čar, jơnum min ngă hrom bơwih ƀong huă, sĭ mơdrô hăng tuh pơ alin Việt Nam-Rumani, kơtưn ngă hrom gah bruă pơtô hăng pơjuăt, gru grua boh thâo ăt kah hăng bruă tuai čuă ngui mơ̆ng dua bơnah hơmâo tơlơi gêh găl laih ĕp mơnuih mă bruă apah hăng tuh pơ alin gah bruă ngă hmua…

Nay Jek: Pơblang