Tơdơi kơ mông ngă lơphet čơkă, dua gơñu pơphun bơkơtuai. Khua ding jum Tô Lâm lăi rơđah, Việt Nam lăng yôm na nao tơlơi rô nao rai gum hrom giăng mah mơng hlâo hăng Belarus. Hluai tui tơlơi rô nao rai gum hrom klă hiam kơplah wah Ding jum kông ang Việt Nam hăng Ding jum bruă ječ Belarus, amăng mông bơkơtuai, dua bơnah hmâo pơlir hơbit, tơdơi kơ kĭ pơkôl bruă gum hrom kơplah wah Kông ang Việt Nam hăng Ding jum bruă ječ Belarus, amra pơdŏng klă kơčăo bruă rơđah pioh pok pơhai ngă tui hơdôm bôh yôm, jơlan hơdră gum hrom rơđah kơplah wah dua ƀirô kiăng pơtrut hăng hơdôm gưl kơ gum hrom lăi pơthâo tơlơi găn rơgao, lông ngă lăng, lăi pơtă hlâo hăng pơhlôm hlâo, bŏng glăi hăng hơdôm tơlơi kiăng ječ.

 Lăi pơthâo nao rai tơlơi găn rơgao pơdŏng Anom lăi pơtă hlâo tañ huĭ hmâo apui ƀong hăng tơlơi lŏn adai ngă. Lăi pơthâo, gum hrom, pơtô glăi hơdră phrâo, pơlir hơbit bruă pơkra hơdôm gơnam pơgang pơgăn apui ƀong hăng djru pơtlaih mơnuih rơnuk anai. Lăi pơthâo tơlơi pơhing kiăng pơhrua nao pơhlôm hră pơ-ar djơ̆ phiăn kơ pơgang apui ƀong dlai hăng pơtlaih mơnuih./.