VOV4.Jarai - Čơtlăm lơ 22/4, Đại tướng Tô Lâm, Ding kơna Ding jum kơđi čar, Khua Ding jum kông ang, hmâo git gai mông Jơnum tal dua Grŭp črâo ba klah čun Tơlơi pơtrun pơsit Ping gah mrô 8 tal 11 kơ bruă pơgang lŏn ia amăng rơnuk phrâo mơng Ding jum kông ang.

Khua Ding jum Tô Lâm pơhiăp amăng mông jơnum

Pơhiăp amăng mông jơnum, Khua Ding jum Tô Lâm pơsit yôm tơlơi klă, gir run mơng ƀing mă bruă mơng Grŭp črâo ba, biă ñu lĕ Khua Grŭp črâo ba hơdôm hrơi rơgao hmâo tañ ngă giong laih hơdôm hră pơ-ar či kiăng pioh pơtô brơi Kông ang hơdôm anih anom, plơi pla ngă tui. Gah bôh yôm klah čun, Khua Ding jum Tô Lâm rơkâo khom đing nao pơsit tơlơi kơđi čar, bơwih ƀong ƀơi rŏng lŏn tơnah; hơdôm tơlơi amra truh, tơlơi lông pơhuĭ truh tơlơi rơnuk rơnua lŏn ia mơng Việt Nam, ngă rơđah amăng 10 thun rơgao khul Kông ang hmâo pơsir laih hơdôm tơlơi, hơdôm bruă akă dưi pơsir; bôh tơhnal ngă tui hơdôm tơlơi pơmin, jơlan gah, bruă mă, jơlan pơsir amăng Tơlơi pơtrun pơsit mrô 8 tal 11./.

Siu H’ Prăk: Pơblang