Amăng mông jơnum, Khua ding jum kông ang Tô Lâm lăng yôm boh than dưi ngă mơng tơring čar Lào Cai amăng thun blan laih rơgao; laih dong pơdah tơlơi dong yua hăng hơdôm hơnong pơkă pơđĭ kyar mơng Lào Cai hăng hơdôm akŏ bruă phun pơlir hăng hơdôm bruă ngă tui tơlơi pơtrun mrô 11 mơng Ding jum kơđi čar kơ jơlan gah pơđĭ kyar kual ataih asuel, kual čư̆ siăng gah kơdư. Hăng hơdôm bruă jao pơhlôm rơnuk rơnua, pơgăn ƀing ngă soh, Khua ding jum Tô Lâm brơi thâo, kông ang să lĕ ƀing akŏ, kiăng gơgrong bruă ƀơi ƀon lan amăng wai pơgang rơnuk rơnua, yua djop bruă bơdjơ̆ nao wai pơgang rơnuk rơnua lêng ƀuh mơng ƀon lan soh.

Khua ding jum Tô Lâm ăt pơtă tơring čar Lào Cai đing nao bruă pơgang pơgăn, lăng bruă pơgang amăng mơnuih mơnam lĕ phun, na nao, pơgang tui bruă jao lĕ kiăo tui tlôn. Sit biă ñu, kiăng gơnang nao mơnuih ƀôn sang, abih pran gum djru mơnuih ƀôn sang, hơkrŭ pran đăo gơnang, pơtrut pran mut hrŏm amăng abih bang kiăng pơjing, pơđĭ kyar lŏn ia.