VOV4.Jarai - Čơtlăm lơ 22/8, Grŭp khua pơ ala gưl dlông Việt Nam yua kơ Đại tướng Tô Lâm, Ding kơna Ding jum kơđi čar, Khua Ding jum Kông ang dêh čar ngă Khua Grŭp hmâo nao pơhmư̆ Jơnum lăi pơthâo bruă git gai gưl dlông rơnuk rơnua Khul hơdôm bôh dêh čar Đông Nam Á (ASEAN) hăng Nga tal 2 pơphun tui hơdră lăng nao rai mơng ataih.

Jơnum lăi pơthâo bruă rơnuk rơnua gưl dlông ASEAN – Nga

Tơdơi kơ mông jơnum pok phun, Khua Grŭp hơdôm bôh dêh čar hmâo bơkơtuai kơ tơlơi hơđong bruă mă ƀơi kual ASIA – Thái Bình Dương, amăng anun hmâo hơdră wai lăng phao kơtoang hăng ƀu mă yua phao kơtoang, bơdjơ̆ nao mơng ñu hăng tơlơi rơnuk rơnua amăng kual; tơlơi rơnuk rơnua, bruă kơđi čar ƀơi kual ASIA – Thái Bình Dương amăng tơlơi đĭ tui tơlơi ƀu mơ-ak kơplah wah hơdôm bôh dêh čar. Kiăng kơtưn gum hrom kơplah wah Nga hăng ASEAN pơ̆ anăp anai, Khua ding jum ơi Tô Lâm rơkâo, Nga gum hrom klă amăng hơdôm bruă bơkơtuai yua kơ ASEAN git gai, dŏng yua bruă anom hăng gir run mơng ASEAN pơtrut bơkơtuai, gum hrom hăng bŏng glăi hăng hơdôm tơlơi lông phrâo hmâo, amăng anun hmâo tơlơi rơnuk rơnua, pơhlôm gah ia rơsĭ hăng gah rơdêh por ƀơi kual....

Siu H’ Prăk: Pơblang