VOV4.Jarai - Čơtlăm lơ 27/4, ƀơi Hà Nội, Đại tướng Tô Lâm, Khua Ding jum Kông ang, hmâo tŭ jum ơi Gunnar Wiegand, Khua Gơgrong bruă kual ASIA – Thái Bình Dương, Ƀirô pơtom hiăp kual Mi Kô̆ glăk dô̆ čuă, mă bruă ƀơi dêh čar Việt Nam. Pơhiăp amăng mông tŭ jum, Khua ding jum Tô Lâm rơkâo, pơ̆ anăp anai, Khul pơlir hơbit kual Mi Kô̆ (EU) lăi pơthâo dong tơlơi găn rơgao pơgang pơhlôm hơđong plăng internet pioh kơ hơdôm bruă pôr pơhing phun, tơlơi găn rơgao wai lăng mrô hluh gah guai lŏn ia, hơdră pơgang mrô djă pioh amăng sa dua bruă yôm phăn; kơtưn bơkơtuai, lăi pơthâo tơlơi pơmin, gum hrom pơdŏng, ngă giong bruă pơkă tơlơi phiăn lŏn ia pơgang hơđong glông plăng internet, tơlơi dưi pô lŏn ia amăng glông internet, tơlơi ngă prung internet. Ơi Gunnar Wiegand lăi rơđah, bruă gum hrom kơplah wah EU hăng Việt Nam glăk pơđĭ kyar ƀu djơ̆ pơdơi ƀơi bruă bơwih ƀong, sĭ mơdrô, tuh pơplai ôh mơ̆, dô̆ gum hrom bruă kơđi čar, pơtom hiăp, rơnuk rơnua hăng hơdôm bôh than hmâo tơhnal prong dong./.

Siu H’ Prăk: Pơblang