Amăng mông tŭ jum, Khua Ding jum lăi rơđah, Việt Nam hăng Japan hmâo gum hrŏm dơlăm laih amăng lu bruă. Khua Ding jum Tô Lâm đăo gơnang, pơ̆ anăp anai, tơlơi rô nao rai dua bôh dêh čar pơđĭ kyar klă hiam dong.

Khua Ding jum Tô Lâm čang rơmang ơi Takebe Tsutomu lăi pơthâo kơ jơlan gah dua bơnah amra gum hrŏm kiăng djru ngă plai ƀiă tơlơi truh ƀơi jơlan glông hăng djai yua kơ tơlơi truh ƀơi jơlan glông ƀơi Việt Nam, ăt kah hăng pơsur, pơtrut hơdôm ƀirô bơdjơ̆ nao mơ̆ng Japan hmâo hơdôm jơlan hơdră gum djru, pơđĭ tui bôh thâo kơ khul tơhan polih wai lăng ƀơi jơlan nao rai dêh čar Việt Nam. Khua Ding jum Tô Lâm ăt rơkâo mơn ơi Takebe Tsutomu đing nao pơtrut hơdôm bôh anom đing nao hmâo pel ĕp, ruah tơhan nao ngă kông ang mơnuih ƀôn sang, ăt kah hăng djru tô nao rai, gum hrŏm kơplah wah hơdôm bôh anom bruă Ding jum kông ang hăng Sang hră Đại học Việt Nam hăng Japan./.