VOV4.Jarai-Ƀrô djơ̆ tal nao jơnum hrom khua mua pơprong ASEAN-Mi ƀơi plơi prong jưh jom Washington D.C, dêh čar Mi, Khua ding jum tuh tia sĭ mơdrô, ơi Nguyễn Hồng Diên hơmâo mă bruă hăng dua bơnah khua mua ding jum pơgang rơnuk rơnua dêh čar Mi laih anun anom bruă duh jia sĭ mơdrô hăng pơgang guai dêh čar Mi, Khua mua group sĭ mơdrô hlai Walmart.

Mông jơnum mă bruă hrom dua bơnah

Khua ding jum ơi Nguyễn Hồng Diên brơi thâo, Kơnuk kơna ăt kah hăng Ding jum tuh tia sĭ mơdrô Việt Nam čang rơmang pơtrut tơlơi bơwih ƀong huă, sĭ mơdrô hăng dêh čar Mi, biă mă ñu anom bruă tơčoh sum ao, yua dah anai lĕ pơdjơ̆ nao tơlơi bơwih ƀong huă rĭm hrơi mơnuih mơnam, pơsir bruă mă kơ hơdôm klăk čô mơnuih mă bruă ƀơi Việt Nam.

Pơdjơ̆ nao hơdôm tơlơi phiăn pơkă kơ ĕp phun tơdŭ gơnam pơjing rai, Khua ding jum rơkâo hơdôm bơnah anom bruă pơ dêh čar Mi čih pơkra tơlơi phiăn tơpă, bơkơnar, pơgang ba anŏ tŭ yua kơ mơnuih mă bruă apah Việt Nam hăng pơgang ba anŏ tŭ yua lăp djơ̆ mơ̆ng anom bruă sĭ mơdrô mơ̆ng Việt Nam.

Nay Jek: Pơblang