Khua gai ping gah tơring čar Dak Lak čuă, pơtrut pran jua djop sang bruă mơdrô ƀrô akŏ thun phrâo
Thứ năm, 13:59, 22/02/2024
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Ƀrô amăng akŏ thun phrâo Giáp Thìn 2024, ơi Nguyễn Đình Trung, ding kơna apăn bruă ping gah dêh čar, Khua git gai ping gah tơring čar Dak Lak hrŏm hăng grup hyu mă bruă nao čuă laih anun pơtrut pran jua mă bruă thun phrâo ƀơi djop sang bruă mơdrô ƀơi plơi prong Ƀuôn Ma Thuôt.
Ƀơi anih nao čuă, ơi Nguyễn Đình Trung hơmâo čih pioh laih anun lăng yôm tơlơi gir run mơ̆ng djop kông ty găn rơgao laih tơlơi tơnap tap, lông lăng amăng thun 2023, kiăng pơphun bruă mă hruaih na nao hăng pơđĭ kyar tui; ngă klă hơdôm hơdră djru, prăk blan, prăk apah bơni laih anun djru ba mơnuih mơnam tơnap tap lơ̆m sang bruă, pơgôp prong pơđĭ kyar hrŏm kơ tơring čar Dak Lak.
Thun blan pơ anăp, ơi Nguyễn Đình Trung čang rơmang djop kông ty ăt gir run hloh djă bong lui boh tơhnal dưi ngă hăng pok prong tui bruă mă phrâo kiăng jai hrơi pơkra ming lu gơnam tam sĭ mơdrô pơtrut pơđĭ kyar bơwih ƀong huă mơnuih mơnam ƀơi tơring čar ăt kah hăng djru ba tơlơi hơdip mơda mơnuih mă bruă apah kiăng hơđong.
Viết bình luận