VOV4.Jarai - Khua git gai Ping gah ơi Nguyễn Phú Trọng phrâo hơmâo mông bưp ƀô̆ mơta ƀing khua mua glăi Jơnum tal 6 Khul mơnuih tha rơma Việt Nam. Pơhiăp bit hăng ƀing mơnuih tha rơma amăng mông bưp, Khua git gai Ping gah ơi Nguyễn Phú Trọng pơsit tong, gru grua hăng tơlơi hơdip hiam mơng mơnuih Việt Nam mơng đưm đă truh ră anai lĕ “Luă tơgŭ kơ ƀing tha, kiăng khăp kơ ƀing čơđai”, “Pơpŭ ƀing tha rơma”, ƀing mơnuih tha rơma lêng kơ lăng yôm hăng luă tơgŭ.

Khua git gai Ping gah ơi Nguyễn Phú Trọng đĭ pơhiăp amăng mông bưp

Sit biă ñu, tui tơlơi pơtă mơng Wa Hồ “Jai tha rơma, jai rơgơi kơhnâo”. Khua git gai Ping gah ơi Nguyễn Phú Trọng rơkâo, ƀing apăn bruă, gơnong glông, djop gưl Ping gah, gong gai ƀon lan kiăng kơ thâo rơđah tơlơi gơgrong mơng ƀing gơñu amăng bruă djru brơi mơnuih tha rơma hăng Khul mơnuih tha rơma.

Siu Đoan: Pơblang