VOV4.Jarai - Tom brơi lơ 24/4, grup mă bruă mơng khul apăn bruă git gai Ping gah tơring Dak lăk yua ơi Nguyễn Đình Trung, Ding kơna Ping gah, Khua git gai Ping gah tơring čar ba jơlan nao pel ĕp, sem lăng anih arăng drôm kyâo, hăng git gai hơduah ĕp, ngă kơđi bruă arăng phă glai rưng prong giăm 400ektar ƀơi să Ya Tờ Mốt, tơring glông Ea Súp. Ƀơi anih arăng koh drôm kyâo, khua mua tơring čar Dak Lăk hơmâo hmư̆ ƀing apăn bruă wai lăng glai lăi pơthâo glăi bruă arăng phă glai prai rưng.

Hrŏm hăng anun, grup mă bruă hơmâo nao tơña, brơi gơnam juh alum ƀing khua, tơhan kông an hăng tơhan pơkŏn dong glăk ngă bruă. Ơi Nguyễn Đình Trung kiăng tơhan apăn bruă sem lăng tañ anih hơmâo tơlơi soh prai rưng, đah mơng tañ ngă giong hră pơ-ar tơgŭ kơđi. Laih dong, khŏm ngă rơđah tơlơi gơgrong bruă mơng pô wai lăng, bơtơhmal pô hlơi, drơi hơpă bơdjơ̆ nao bruă anai.

Siu H’Mai: Pơblang