VOV4.Jarai - Mơguah lơ 17/8, ƀơi Ƀirô Ping gah, Khua git gai Ping gah dêh čar ơi Nguyễn Phú Trọng, Khua khul git gai gơnong glông git gai jơnum tal 22 Khul git gai gơnong glông kơ bruă pơgăn hưp ƀong kông ngăn, bruă ngă soh kiăng kơ lăng glăi hơdôm boh than dưi ngă amăng 6 blan akŏ thun, pơsit bruă jao amăng 6 blan rơnuč thun 2022. Khua git gai Ping gah dêh čar ơi Nguyễn Phú Trọng lăi pơtong kiăng đing nao git gai, tŏ tui pơtrut amăng pơjing, pơgiong hơdră bruă kiăng “pơgăn hưp ƀong kông ngăn”.

Kơ bruă akŏ phun amăng thun 2022, Khul git gai rơkâo djop gưl Ping gah, khul grup Ping gah, anom bruă bơdjơ̆ nao anăm pơtah tai, ngă amưng, tŭ ư hăng hơdôm boh than dưi ngă; kiăng khut khăt, gir run pơtrut kơtang dong amăng bruă pơgăn hưp ƀong kông ngăn, bruă ngă soh; pơsir hĭ khut khăt, ha amăng plĕ hơdôm bruă ngă soh tui tơlơi pơkă mơng Ping gah, tui kơđi phak prăk hăng pơsir kơđi hình sự hăng ƀing mơnuih ngă soh, mah hlơi tŭ mơn; hmao tlôn pơpŭ, pơtrut pơsur pran jua hơdôm khul grup, ƀing mơnuih hơmâo bruă mă klă amăng pơgăn bưp ƀong kông ngăn, bruă ngă soh.

Siu Đoan: Pơblang