Đĭ pơhiăp amăng mông mă bruă, Khua git gai Ping gah ơi Tô Lâm lăi pơtong anai lĕ hrơi mông kiăng djop ƀon lan pel ĕp, lăng glăi bruă git gai, črâo ba hăng jơlan gah pơđĭ kyar ƀôn prong Hồ Chí Minh phrâo pơ anăp anai. Khua git gai Ping gah hruă kjăp dua bruă jao ječ ră anai lĕ pơhlôm hơđong lŏn ia, ƀon lan, pơhlôm rơnuk rơnua, hơđong kiăng pơđĭ kyar. Laih dong, Khua git gai Ping gah pơtă tum pơƀut ngăn rơnoh kiăng pơđĭ bơwih ƀong huă, pơgiong djop hơnong pơkă mơng Jơnum tal XIII mơng Ping gah, hơdôm tơlơi pơtrun bơdjơ̆ nao hăng prap lui Jơnum tal XIV pơ anăp.

Khua git gai Ping gah lăng yôm pran gir run mơng ƀôn prong Hồ Chí Minh hăng hơdôm boh ƀon lan lơm ba tơbiă hơnong pơkă pơđĭ kyar prong ƀiă pơhmu hăng tơlơi pơkă hrŏm amăng đơ đam dêh čar, laih dong rơkâo ƀôn prong gir run ngă tui hơnong pơkă anai amăng 6 blan rơnuč thun kiăng hrưn đĭ tơlơi hơdip mơnuih ƀôn sang.