Pơ ala brơi khua mua Ping gah hăng Kơnuk kơna, Khua git gai Ping gah dêh čar ơi Nguyễn Phú Trọng pơpŭ bơni hơdôm tơlơi gum pơgôp prong prin mơng ƀing čih boh pia, adôh suang dêh čar, amăng khul pơlir hơbit hơdôm khul gru grua čih boh pia, adôh suang Việt Nam amăng 75 thun laih rơgao. Lăi pơtong tơlơi gơrong mơng ƀing čih boh pia, adôh suang, Khua git gai Ping gah dêh čar ơi Nguyễn Phú Trọng rơkâo, djop gưl Ping gah, gong gai mơng gơnong glông truh pơ ƀon lan kiăng hluh rơđah tơlơi gơgrong, tơlơi yôm mơng bruă čih boh pia, gru grua adôh suang amăng rơnuk pơplih phrâo, pơjing hăng wai pơgang lŏn ia; lêng kơ pơtrut pơsur, ngă gêh gal hloh brơi kơ bruă čih boh pia, adôh suang dưi pơđĭ kyar.

Khua git gai Ping gah dêh čar čang rơmang hăng đăo gơnang, gơnong bruă čih boh pia, tơlơi adôh suang hơkrŭ Việt nam hrŏm ƀing rơgơi kơhnâo tŏ tui hơdôm tơlơi dưi amăng 75 thun laih rơgao, gir găn rơgao tơnap tap, tơlơi lông kiăng hơmâo dong hơdôm tơlơi čih djơ̆ hăng pran gơgrong mơng ană mơnuih hăng lŏn ia Việt Nam bă blai pran khăp pap, djơ̆ hăng tơlơi kiăng mơng mơnuih ƀon sang.