Khua git gai Ping gah dêh čar ta ơi Nguyễn Phú Trọng pơsit yôm bôh tơhnal bơkơtuai kơplah wah Khua git gai wai lăng pơ ala mơnuih ƀôn sang gơnong dlông dêh čar Prang hăng Khua git gai wai lăng pơ ala mơnuih ƀôn sang dêh čar ta ơi Vương Đình Huệ, lăi pơthâo nao rai bruă mă yôm phăn mơng Khua pơ ala mơnuih ƀôn sang Việt Nam amăng tơlơi hơdip mơda mơng lŏn ia hăng amăng tơlơi rô nao rai pơtom hiăp mơng Việt Nam, lăi rơđah bruă mă mơng ƀirô khua pơ ala mơnuih ƀôn sang dua bôh dêh čar amăng tơlơi rô nao rai dua bơnah, rơkâo dua bơnah ngă tui anô̆ gal gum hrom prong prin hăng hơdôm bôh than gum hrom dưi ngă amăng hơdôm hrơi rơgao, pơtrut kơtang bơkơtuai nao rai, pơbưp gưl dlông hăng hơdôm gưl abih bang glông bruă Ping gah, Kơnuk kơna, Khua pơ ala mơnuih ƀôn sang hăng mơnuih ƀôn lan, kơtưn gum hrom, lăi pơthâo tơlơi pơmin kơplah wah ƀirô pơjing tơlơi phiăn dua bôh dêh čar amăng bruă bơkơtuai lu bơnah.

Khua git gai Ping gah dêh čar ta ơi Nguyễn Phú Trọng ăt rơkâo mơn dua bơnah pơtrut dong kiăng ngă brơi tơlơi rô nao rai gum hrom hăng gum hrom khom ngă hơdai nao rơwang pơđĭ kyar phrâo, ba glăi bôh tŭ yua sit nik kơ mơnuih ƀôn sang dua bôh dêh čar amăng abih bang hơdôm bruă hăng gum hơgôp kơ tơlơi rơnuk rơnua, gum hrom, pơđĭ kyar ƀơi kual hăng ƀơi rŏng lŏn tơnah./.