VOV4.Jarai - Lơ 22/7, ƀơi Ƀirô Ping gah,Khua git gai Ping gah dêh čar ơi Nguyễn Phú Trọng git gai Jơnum Ding jum kơđi čar, Khul apăn bruă Ping gah kiăng kơ sem lăng, pơsir hĭ tơlơi ngă soh: Khul apăn bruă Ping gah tơring čar Phú Yên rơwang thun 2015-2020; Ping gah Khul pơ ala mơnuih ƀon sang tơring čar Phú Yên rơwang thun 2016-2021, 2021-2026; ơi Huỳnh Tấn Việt, Ding kơna Ping gah dêh čar, Khua git gai Ping gah Grup hơdôm anom bruă gơnong glông, Khua git gai Ping gah tơring čar hơđăp, Khua git gai Ping gah grup hơđăp, Khua khul pơ ala mơnuih ƀon sang hơđăp tơring čar Phú Yên; ơi Nguyễn Chí Hiến, Ding kơna hơđăp Khul apăn bruă Ping gah tơring čar, Kơ-iăng Khua apăn bruă Ping gah hơđăp, Kơ-iăng Khua Jơnum min mơnuih ƀon sang hơđăp tơring čar Phú Yên. Hơdôm tơlơi ngă soh mơng gưl Ping gah, gong gai, ƀing mơnuih hơmâo lăi nao ngă sat kơtang biă mă, ngă bơngŏt amăng mơnuih mơnam. Hluai tui hơdôm boh tơhnal, bruă sit nik, tơlơi pơglăi sat hăng hơdôm tơlơi pơkă mơng Ping gah amăng pơphun bruă mă amăng Ping gah, mơnuih apăn bruă Ping gah, Ding jum kơđi čar pơsit tơlơi ngă soh gưl Ping gah, Gong gai, ƀing mơnuih hơmâo lăi nao kiăng brơi tơbiă mơng Ping gah hăng ơi Nguyễn Chí Hiến.

Siu Đoan: Pơblang