VOV4.Jarai - Mơguah lơ 17/6, tui tơlơi git gai mơng Khua git gai Ping gah dêh čar ơi Nguyễn Phú Trọng, Ding jum kơđi čar pơphun jơnum đơ đam dêh čar kiăng hruă kjăp, pok pơhai ngă tui tơlơi pơtrun mrô 12 lơ 16/3/2022 mơng Ding jum kơđi čar kơ “Pơtrut pơjing tơhan kông ang mă bruă tơpă sit, pran kơtang, chính quy, thâo rơgơi, pơplih phrâo, lăp djơ̆ hăng tơlơi rơkâo amăng bruă jao ră anai”.

Mông jơnum

Khua git gai Ping gah dêh čar ơi Nguyễn Phú Trọng brơi thâo, kiăng kơ ngă klă dong tơlơi gơgrong, bruă jao lĕ tơhan akŏ phun amăng wai pơgang rơnuk rơnua dêh čar, pơhlôm hơđong amăng mơnuih mơnam: Ping gah, Kơnuk kơna hămg mơnuih ƀon sang čang rơmang tơhan kông ang kiăng rang kơđiăng, tŏ ngă tui gru grua sông kơtang, hing ang; gir run ƀu pơdơi ôh, găn rơgao tơnap tap, tơlơi lông, ngă tui hăng pơgiong djop mơta bruă jao mơng Ping gah, Kơnuk kơna hăng mơnuih ƀon sang. Khua git gai Ping gah dêh čar ơi Nguyễn Phú Trọng rơkâo, abih bang tơhan kông ang kiăng đing nao 5 tơlơi, amăng anun hơmâo bruă pơjing tơhan kông ang thâo rơgơi, kjăp bruă kơđi čar, kĕ phĭ tui Ping gah, Kơnuk kơna, mơnuih ƀon sang hăng jơlan xã hội chủ nghĩa, kiăo tui hơnong pơkă, tơlơi pơmĭn ngă hơkrŭ mơng Ping gah.

Siu Đoan: Pơblang