VOV4.Jarai - Lơ 16/8, ƀơi Ƀirô Ping gah, Khua git gai Ping gah dêh čar ơi Nguyễn Phú Trọng git gai jơnum khul apăn bruă Ping gah kiăng kơ sem lăng, ngă tui bruă pơsir tơlơi soh amăng Khul apăn bruă Ping gah Jơnum min mơnuih ƀon sang tơring čar Gia Lai amăng hơdôm rơwang thun 2016-2021, 2021-2026 hăng ơi Võ Ngọc Thành, Kơ-iăng Khua git gai Ping gah, Khua khul apăn bruă Ping gah, Khua Jơnum min mơnuih ƀon sang tơring čar Gia Lai. Hluai tui boh tơhnal, bruă sit nik, anŏ sat, tơlơi soh glăi hăng tơlơi pơkă mơng Ping gah amăng pơsir bruă ngă soh kơ mơnuih apăn bruă Ping gah, Khul apăn bruă Ping gah hơmâo tơlơi bơtơhmal Khul apăn bruă Ping gah Jơnum min mơnuih ƀon sang tơring čar Gia Lai rơwang thun 2016-2021; jăm ƀuah Khul apăn bruă Ping gah Jơnum min mơnuih ƀon sang tơring čar Gia Lai rơwang thun 2015-2020, 2020 -2025 hăng Khua khul apăn bruă Ping gah Jơnum min mơnuih ƀon sang tơring čar Gia Lai rơwang thun 2016-2021, 2021-2026 hăng ơi Võ Ngọc Thành. Rơkâo hơdôm anom bruă bơdjơ̆ nao pơsir djơ̆ hăng tơlơi pơkă hăng khul grup, ƀing mơnuih ngă soh hơmâo Ping gah pơsir.

Siu Đoan: Pơblang