VOV4.Jarai - Mơguah lơ 30/6, ƀơi Ƀrô Ping gah, Ding jum kơđi čar, Khul git gai Ping gah pơphun Jơnum klah čun 10 pơgăn hưp ƀong kông ngăn, bruă ngă soh rơwang thun 2012-2022 tui tơlơi git gai mơng Khua git gai Ping gah dêh čar ơi Nguyễn Phú Trọng, Khua khul git gai dêh čar kơ bruă pơgăn hưp ƀong kông ngă, bruă ngă soh. Đĭ pơhiăp amăng mông jơnum, Khua git gai Ping gah dêh čar ơi Nguyễn Phú Trọng lăi pơtong 6 tơlơi yôm djơ̆ hăng tơlơi pơmĭn, bruă mă sit nik; amăng anun, kiăng thâo hluh rơđah, djop mơta, tơlơi yôm mơng bruă pơgăn hưp ƀong kông ngăn, bruă ngă soh tui tơlơi git gai, kiăng đing nao, tŭ ư hrŏm mơng Ping gah, mơ̆ kiăng pơphun ƀơi anăp, na nao lĕ Khul git gai dêh čar amăng pơgăn hưp ƀong kông ngă, bruă ngă soh gah Ding jum kơđi čar.

Lăi nao kơ bruă pơ anăp anai, Khua git gai Ping gah dêh čar ơi Nguyễn Phú Trọng rơkâo, Khul git gai gơnong glông, djop khul git gai gưl tơring čar hăng hơdôm anom bruă pơphun bruă gơnong glông kah hăng gong gai ƀon lan, kiăng tŏ tui gir run lu ƀiă dong amăng thun blan pơplih phrâo, hrưn đĭ klă dong amăng bruă pơgăn hưp ƀong kông ngăn, bruă ngă soh amăng thun blan pơđĭ kyar.

Siu Đoan: Pơblang