Tui lăi pơthâo amăng mông jơnum, 6 blan laih rơgao ling tơhan, Ding jum ling tơhan hăng djop gưl Ping gah, anom bruă git gai djop gưl hơmâo git gai abih bang khul ling tơhan gum pơgôp, mut hrŏm, gơgrong pơsir hĭ tơnap tap, pơgiong djop mơta bruă jao. Amăng anun, yôm hloh lĕ gơgrong kơsem min, kiăo tui lăng djơ̆ tơlơi sit nik, pơphô bruă, rơkâo đĭ Ping gah, Kơnuk kơna pơsir hĭ tŭ yua hơdôm bruă, anăm brơi sư̆ rơbư̆, ƀu hmao thâo, wai pơgang kjăp lŏn ia ta. Pok pơhai ngă tui khut khăt hơdôm tơlơi pơtrun mơng Ping gah Ling tơhan amăng pơtop hrăm, pơtô pơjuăt; hrưn đĭ klă amăng pơtop hrăm, pơtô pơjuăt, pơplông bơrơguăt drơi jăn ƀơi hơdôm anom bruă hăng ƀơi hơdôm boh sang hră.

Năm blan rơnuč thun, Ping gah ling tơhan hơmâo pơsit sa, dua bruă akŏ phun đing nao git gai amăng bruă ling tơhan, amăng anun tŏ tui pơjing Ping gah ling tơhan kjăp amăng tơlơi pơmĭn, gru hơdip hiam, khul grup hăng ƀing apăn bruă; ling tơhan kjăp amăng bruă kơđi čar. Đing nao git gai pok pơhai ngă tui hơdôm bruă jao akŏ phun truh abih rơwang Jơnum XIII mơng Ping gah, hơdôm tơlơi pơsit, tơlơi klah čun kơ bruă ling tơhan, bruă wai pơgang lŏn ia amăng rơnuk phrâo.