VOV4.Jarai - Mơguah lơ 8/6, ƀơi Ƀirô mă bruă, Khua git gai Ping gah dêh čar ơi Nguyễn Phú Trọng hơmâo pơphun mông jơnum hăng Khua mir sir Hàn Quốc, jơnum lăng nao rai mơng ataih. Amăng hrơi jơnum hăng pran jua jê̆ giăm mơ-ak giang mah, khua mua dua bơnah lăng yôm hơdôm tal jơnum khua mua pơprong, sit biă ñu lĕ ƀrô hrơi dua bơnah hơdor glăi 30 thun hrơi akŏ pơjing bruă pơtom hiăp.

Khua git gai Ping gah dêh čar

Khua mir sir ơi Yoon Suk- yeol pơpŭ hơdôm bruă truh kih djop mơta amăng pơđĭ kyar, pran gơgrong hăng kơdrưh amăng jar kmar jai hrơi prong tui mơng Việt Nam. Khua git gai Ping gah dêh čar ơi Nguyễn Phú Trọng pơsit tong lăng yôm tơlơi rô nao rai ngă hrŏm kơplah wah Việt Nam - Hàn Quốc; lăng yôm tơlơi gum djru mơng Hàn Quốc amăng thun blan pơđĭ kyar ƀơi Việt Nam, amăng anun hơmâo bruă gum hrŏm amăng pơgang klin Covid-19.

Mông jơnum bơkơtuai

Dua čô khua tŭ ư kơtưn pơbưp nao rai khua mua; pơđĭ kyar ngă hrŏm amăng bruă ling tơhan, wai pơgang rơnuk rơnua; pơtrut ngă hrŏm gru grua, tơlơi rô nao rai kơplah wah djop tơring čar, ƀon lan…

Siu Đoan: Pơblang