VOV4.Jarai - Ƀơi Ƀirô mă bruă, ơi Nguyễn Phú Trọng, Khua git gai Ping gah Cộng sản Việt Nam tŭ jum Khua ding jum pơtom hiăp dêh čar Nga ơi Sergey Lavrov nao mă tơngan ƀrô tal rai čuă dêh čar Việt Nam. Khua ding jum pơtom hiăp Nga ơi Sergey Lavrov bơni Khua git gai Ping gah dêh čar ơi Nguyễn Phú Trọng hơmâo pioh mông tŭ jum hăng lăi pơthâo boh tơhnal mơng hơdôm tal jơnum bơkơtuai amăng tal nao čuă kơ bruă ngă hrŏm djop mơta kơplah wah Nga hăng Việt Nam, pơsit tong dêh čar Nga lăng yôm tơlơi rô nao rai ngă hrŏm djop mơta kơplah wah dua bơnah, dong yua tơlơi gơgrong phun mơng ASEAN amăng kual, bơni hơdôm tơlơi gum pơgôp mơng Việt Nam amăng bruă pơtrut tơlơi rô nao rai kơplah wah Nga - ASEAN amăng thun blan laih rơgao hăng pơdah tơlơi pơmĭn mơng Nga kơ bruă amăng jar kmar, amăng anun hơmâo blah ngă ƀơi Ukraine. Khua git gai Ping gah dêh čar ơi Nguyễn Phú Trọng pơsit tong Việt Nam lăng yôm tơlơi rô nao rai ngă hrŏm djop mơta hăng Nga; pơpŭ tal rai čuă mơng Khua ding jum pơtom hiăp Nga ơi Sergey Lavrov amra pơphun hiam klă.

Siu Đoan: Pơblang