Khua git gai Ping gah dêh čar ơi Nguyễn Phú Trọng đăo gơnang tal rai čuă amra pơđŏm glăi tơlơi yak nao phrâo, pơtrut tơlơi rô nao rai dua bơnah kiăng tŏ tui hiam klă ƀiă dong anăp nao hrưn đĭ prong kơtang ƀiă, dơlăm tui hăng klă ƀiă pơ anăp anai. Khua git gai Ping gah dêh čar lăi pơtong, tơlơi rô nao rai hiam klă, yua kơ tơlơi dưi mơng mơnuih ƀon sang dua bơnah.

Khua mir sir Hàn Quốc rơkâo dua bơnah kiăng đing nao pơtô hrăm brơi rơnuk tơdơi mơng dua bơnah; Hàn Quốc amra tŏ tui đing nao pơtô hrăm čơđai sang hră mơng Việt Nam, ngă gêh gal kiăng ƀing čơđai sang hră Việt nam dưi hrăm ƀơi hơdôm sang bruă pơtô boh thâo măi mok phrâo ƀơi Hàn Quốc, ngă gong jơlan pơtruh nao rai tơlơi rô nao rai giang mah kơplah wah dua bơnah; rơkâo dua boh dêh čar kơtưn pơbưp nao rai, pơtrut kơtang ngă hrŏm amăng pơtô pơjuăt, boh thâo măi mok, ba tơlơi rô nao rai Hàn Quốc-Việt Nam jai hiam klă amăng tơlơi rô nao rai jar kmar, dua bơnah kiăng gir run yua tơlơi rơnuk rơnua, ngă hrŏm hăng pơdrong asah.