Tơdơi kơ hmư̆ tơlơi klah čun kơ bruă ling tơhan thun 2024, ƀing khua mua đing nao pơčrông sai, lăng glăi bruă ngă tui bruă jao gah ling tơhan thun 2024, pơčrông sai hăng pơsit hơdôm tơlơi črâo trun, bruă git gai ngă tui bruă jao thun 2025….Khua git gai Ping gah dêh čar ơi Tô Lâm rơkâo, Ping gah ling tơhan, Ding jum ling tơhan đing nao pel ĕp glăi djop mơta hơnong pơkă, bruă jao hơmâo Jơnum Ping gah tal XIII, Jơnum Ping gah ling tơhan tal XI pơsit ngă, hơmâo hơdră khut khăt, hăng tơlơi gir run kiăng pơgiong tañ.

Lăi rơđah kơ bruă anai, hrŏm hăng khua mua ngă truh kih bruă jao kơđi čar, hơdôm bruă pơplih phrâo, bruă ngă tui na nao, Ping gah ling tơhan kiăng đing nao biă mă bruă git gai pơjing Ping gah ling tơhan mă bruă tơpă, hơđong kjăp, ba gru amăng khul Ping gah.