Khua git gai Ping gah dêh čar ơi Tô Lâm: Lăng glăi djop mơta bruă ngă tui tơlơi pơtrun kơ ƀon lan, plơi prong
Thứ năm, 10:28, 18/09/2025
VOV/Siu Đoan Pơblang
VOV/Siu Đoan Pơblang
VOV.Jarai-Lơ 17/9, Khua git gai Ping gah dêh čar ơi Tô Lâm git gai mông mă bruă hăng Khul apăn bruă Ping gah Kơnuk kơna kơ bruă pok pơhai tơlơi pơtrun gơnong glông kơ ngă hmua, mơnuih ngă hmua, ƀon lan hăng tơlơi pơtrun mơng Ding jum kơđi čar kơ pơđĭ kyar hơđong kjăp plơi prong truh thun 2030.
Pơđut mông mă bruă, Khua git gai Ping gah rơkâo Ping gah Kơnuk kơna gum hrŏm hăng hơdôm anom bruă ječ ameč lăng glăi boh than ngă tui tơlơi pơtrun mrô 19 kơ ngă hmua, mơnuih ngă hmua, ƀon lan hăng tơlơi pơtrun mrô 06 kơ bruă dưm dăp, man pơdong, wai lăng plơi prong.
Khua git gai Ping gah rơkâo hơdôm tơhnal lăng glăi kiăng tong ten, djop mơta, rơđah rơđông kơ bruă kiăng pơplih pơkra; laih dong kơsem min tong ten hơdôm tơlơi lông phrâo tơdơi kơ dưm dăp anih anom mă bruă, hơbô̆ bruă gong gai dua gưl. Hrŏm hăng anun, kiăng kiăo tui lăng anŏ pơplih amăng pơđĭ kyar plơi prong, ƀon lan ră anai amăng rŏng lŏn tơnah kiăng pơhrua, pơplih pơkra, pơhlôm hơdôm tơlơi pơtrun lăp djơ̆ sit nik, lăp djơ̆ tơlơi rơkâo pơđĭ kyar lŏn ia amăng rơnuk phrâo.
Viết bình luận