Amăng hơdôm hrơi nao čuă hăng ngă lơphet hơdor glăi 80 thun hrơi blah dưi amăng rơnuk blah wang wai pơgang lŏn ia hing ang, Khua git gai Ping gah dêh čar ơi Tô Lâm hrŏm hăng khua mua pơprong mơng Việt Nam amra hơmâo hơdôm mông pơbưp yôm phăn hăng Khua mua pơprong dêh čar Nga, mơng anun ba glăi hơdôm tơlơi pơtrut phrâo amăng bruă ngă hrŏm dua bơnah amăng hơdôm bruă, amăng anun hơmâo hơdôm bruă phrâo, lu tơlơi dưi anun lĕ bơwih ƀong huă, sĭ mơdrô, tuh pơ alin, boh thâo măi mok, apui yua, boh thâo ia rơgơi phrâo.

Pơgôp ba glăi hơdôm tơlơi pơtrut phrâo kiăng ngă tui hơdôm hơnong pơkă pơđĭ kyar tui jơlan gah amăng tơlơi rô nao rai Việt Nam-Nga, yua kơ tơlơi dưi mơnuih ƀôn sang dua bơnah, yua kơ tơlơi rơnuk rơnua, hơđong, ngă hrŏm hăng pơđĭ kyar amăng kual kah hăng amăng rŏng lŏn tơnah.