Đĭ pơhiăp git gai mông jơnum, Khua git gai Ping gah lăi pơtong, ră anai đơ đam dêh čar glăk pơplih kơtang hloh, tơlơi pơmĭn mơng Ping gah mut hrŏm hăng pran jua mơnuih ƀôn sang tui tơlơi čang rơmang yak nao rơnuk phrâo, rơnuk hrưn đĭ  mơng djuai ania, gir run pơgiong 2 hơnong pơkă 100 thun (100 thun lŏn ia ta tui tơlơi git gai mơng Ping gah hăng 100 thun akŏ pơjing lŏn ia).

Sit biă ñu, thun 2025 lĕ thun yôm phăn biă mă kiăng ngă atur brơi rơnuk pơplih phrâo, hăng 3 bruă jao prong kiăng pơgiong anun lĕ: lăng glăi tơlơi pơtrun mrô 18 mơng pơplih phrâo, dưm dăp anih anom mă bruă. Pơtrut tañ hloh kiăng ngă tui hơdôm hơnong pơkă, bruă jao amăng rơwang Jơnum tal XIII hăng pơphun Jơnum Ping gah djop gưl hăng prap lui klă hơdôm bruă kiăng pơphun truh kih Jơnum tal XIV mơng Ping gah. Yua anun, rĭm čô mơnuih apăn bruă Ping gah amăng anom bruă Ping gah gơnong glông kiăng pơmĭn glăi bruă mă mơng ƀing gơñu kiăng pơgôp amăng hơdôm bruă prong kơ lŏn ia ta.