
Jơlan hơdră pơƀuh glăi thun blan blah wang hing ang mơng djuai ania ta, pơsit tong kơdrưh ang pran kơtang mơng tal blah dưi bơyan bơnga thun 1975, hăng tơlơi mut hrŏm mơng rơbêh 1.000 čô mơnuih adôh suang amra ngui adôh ƀơi tơdron prong 3.000 met karê. Amăng mông ngui adôh suang hluai tui hơdôm tơlơi bơră ruai glăi, hơdôm tơlơi adôh suang hrŏm hăng hơdôm tơlơi ngui tŏ tui pơsit tong tơlơi git gai lăp djơ̆ mơng Ping gah, Khua mir sir Hồ Chí Minh, pran blah wang sông kơtang, hơdôm tal blah dưi hing ang mơng ling tơhan hăng mơnuih ƀôn sang, pơƀuh glăi rup rap “Ling tơhan rơnuk wa Hô” amăng tal blah wa Hồ Chí Minh hing ang; ngă tui gru grua ling tơhan mơnuih ƀôn sang Việt Nam sông kơtang amăng bruă pơjing, wai pơgang lŏn ia, pơgôp ba lŏn ia ta pơđĭ kyar, yak nao rơnuk pơplih phrâo.

Hluai tui jơlan hơdră anai sa wŏt dong pơsit tong tơlơi yôm, pran kơtang, gru grua mơng tal blah dưi bơyan bơnga thun 1975; pran gum pơgôp djop djuai ania, čang rơmang ba glăi tơlơi rơnuk rơnua, rơngai hăng pơlir lŏn ia ta jing sa.
Viết bình luận